12:00h Viaxe al orixe del arte

Los grabaos paleolíticos de La Cueva’l Conde y l’abrigu de Santu Adrianu. Anímate a descubrir La Cueva’l Conde (o del Fornu) y l’abrigu de Santu Adrianu, na redolada del llugar de Tuñón, dos de los yacimientos más emblemáticos del valle d’El Trubia qu’agospien dalgunes de les manifestaciones artístiques más antigües de la humanidá, pertenencientes al Paleolíticu Superior (± 30.000-25.000 años enantes del presente).

Puntu d’alcuentru: Aparcamientu del llugar de Tuñón (a la vera’l centru d’alquiler de bicicletes).
Llargor: 2 hores aprox.
Percorríu: 2 kilómetros aprox.
Dificultá: Fácil (les persones con movilidá reducida han consultar les condiciones d’accesu)

Material recomendao: Calzáu deportivo resistente o botes de monte, mochila con botella o cantimplora, amás de ropa d’abrigu o impermeable cuando les condiciones meteorolóxiques lo pidan.

Horarios: sábados y domingos 12:00h.

Ye imprescindible acutar con antelación. Pues facelo al traviés d’esti formulariu o ponete en contautu con nós pel corréu electrónicu info@laponte.org o nel teléfonu 985 76 14 03.

Los itinerarios son de baldre, tán organizaos col «Plan Municipal Patrimonial» y col sofitu de la Dirección Xeneral de Patrimoniu.