Cuadiernu nº12 (2023)

Entrevista a Xosé Lluís García Arias: de campu, patrimoniu y trescendencia

Carlos Suari
Doctorandu n’Antropoloxía Universitat Rovira i Virgili

Xosé Lluís García Arias (Monteciel.lu, Teberga, 1945) vien de recoyer la Medaya d’Asturies, un gallardón que’l movimientu de recuperación llingüística asturianu recibe como daqué propio. Y ye qu’esti romanista caderalgu na Universidá d’Uviéu, retiráu yá de les aules, pero non del oficiu de filólogu, amestó la docencia cola presidencia de l’Academia de la Llingua Asturiana (ALLA) nes dos primeres décades d’esistencia (1981-2000) de la institución, un tiempu enllén de trabayu ormativizador, pero tamién de brega sociopolítica pola dignificación del idioma. Ello too, de la que García Arias abría y enanchaba un camín investigador que les socesives eneraciones de llingüistes pudieron andar depués. Asina, ensin cunta-y la participación nes obres fundamentales de l’ALLA, quiciabes les sos referencies individuales de mayor impautu son: Llingua y sociedá (1976), Diccionario general de la lengua asturiana (2002), Gramática histórica de la lengua asturiana (2003) o Toponimia asturiana. El porqué de los nombres de nuestros pueblos (2005). Lo más recién nesa producción fundamental son los siete tomos del monumental Diccionariu Etimolóxicu de la Llingua Asturiana (2018-2021) que, con alredor de 7.000 páxines d’estudiu léxicu a la lluz d’una fonda interpretación filolóxica, documental y cultural, constitúin, tamién, una obra de máximu interés antropolóxico-patrimonial.

 

Cuadiernu Nº 12, 2023
ISSN-e: 2340-6895
ISSN: 2444-7765
Págs 260-269

Licencia de Creative Commons

Cuadiernu se publica bajo una licencia de Creative Commons Reconocimiento-NoComercial-SinObraDerivada 3.0 España.