Ecomuséu y centru d’investigación
La Ponte axunta orielles, ye un espaciu interdisciplinar de trabayu, abiertu, esperimental y collaborativu au la ciencia, el territoriu y el patrimoniu son temes centrales.
¿Y qué ye un ecomuséu? Hai delles definiciones d’ecomuséu, toes elles imperfectes, complicaes y males d’entender. Simplifiquemos: l’ecomuséu ye una acción que fai una comunidá, partiendo del so patrimoniu, pal so desenvolvimientu. Poro, l’ecomuséu ye primero un proyectu social y, darréu d’ello, cultural y científicu.
(H. de Varine)
Acción + comunidá + patrimoniu + desenvolvimientu= Ecomuséu
¿Qué se fai
nel nuesu
ecomuséu?
Investigación histórica, arqueolóxica y etnográfica.
Divulgación científica y del patrimoniu cultural
Visites interpretatives: prerrománicu, arte prehistóricu, patrimoniu industrial, etnografía, paisaxe cultural.
Itinerarios didácticos pa centros educativos.
Talleres y esperiencies.
Visites musicalizaes
Anovación, ciencia y esperimentación dende l’entamamientu social.
Trabayu comunitariu
Premios
Nel añu 2016 La Ponte-Ecomuséu foi gallardonada col premiu internacional Leading Culture Destination, consideraos los “Oscar de los Museos”, na categoría de Best Soft Power Cultural District. En 2019 La Ponte-Ecomuséu foi ún de las gallardonaos col premiu Hispania Nostra a les Bones Práctiques na conservación del Patrimoniu Cultural dientro de la categoría “Intervención nel Territoriu o nel Paisaxe”.
