Itinerarios culturales

Visites interpretatives, divulgación y esperiencies

Nel Ecomuséu enseñámoste’l territoriu del Valle del Trubia dende una perspectiva histórica, rigorosa, prestosa y educativa. Tradiciones, arqueoloxía, etnografía y patrimoniu.

Toles visites fáense pa un mínimu de 5 persones y la duración ye de 1-2 hores aproximao.

Al participar n’estes atividades tas sofitándonos. La Ponte-Ecomuséu ye un proyectu ensin fines d’arriquecimientu, científicu, comunitariu ya educativu.

Esti paisaxe cultural guarda hestories sorprendentes y queremos compartilas contigo.

Organizamos estes visites de baldre dellos díes de la selmana, pues consultar feches y horarios na nuesa axenda. Pa poder asistir fai falta reservar con adelantu al traviés del nuesu formulariu de reserva, llamando al 985 76 14 03 o escribiendo un corréu electrónicu a info@laponte.org.

Ye posible facer estos percorríos gracies a la collaboración del Conceyu de Santu Adrianu, La Ponte-Ecomuséu, les parroquies de Tuñón y Villanueva y los vecinos y vecines del conceyu. La programación de les actividaes de baldre pal Plan Municipal de Patrimoniu ta subvencionáu pol Gobiernu del Principáu d’Asturies (Viceconseyería de Cultura, Política Llingüística y Turismu).

Dalgunos de los nuesos percorríos culturales tamién tán disponibles fuera d’estos díes y hores, anque non de baldre. Les aportaciones destínense na so totalidá al mantenimientu y la xestión del Ecomuséu.

Opiniones de la xente que nos visita
Galería de semeyes