¿Cómo atrayemos “llectores” a les nueses “Biblioteques Humanes?

El próximu sábadu 16 d’avientu, na Casa de Cultura de Grau, vamos facer otru alcuentru del proyeutu Erasmus+ #MemoriesforFutureEU organizáu por La Ponte-Ecomuséu en collaboración con Europimpulse Network.

¿Qué son les Biblioteques Humanes? Son alcuentros ente persones (llibros) creaos pa conocer les hestories de la so vida. Nesti casu, trátase d’alcuentros interxeneracionales nos que queremos conocer la memoria de les persones mayores de los nuesos pueblos. La propia mocedá va ser la qu’organice les Biblioteques Humanes en distintos pueblos d’Asturies, y la que documente y tresmita los recuerdos de manera creativa.

Nesti nuevu alcuentru de formación vamos tener un cursu de redes sociales y podcast impartíu pola axencia de comunicación rural MelodijoPérez p’atrayer «llectores». Amás d’ello, vamos siguir organizando les Biblioteques Humanes.

El proyeutu ye de baldre y ta dirixíu a mocedá asturiana ente los 15 y 25 años. Pa formar parte del grupu de mozos creadores de Biblioteques Humanes hai d’inscribise completando’l formulariu siguiente.

Pa más información, podéis escribinos a info@laponte.org o llamanos al 985 76 14 03 – 691 504 045.

“Peripheral Memories for Future” ye un proyeutu financiáu pol programa européu Erasmus+ sobre recuperación y curiáu del patrimoniu cultural inmaterial n’espacios rurales. Pa ello sigue la metodoloxía de Biblioteques Humanes y cuenta colos mozos como parte del procesu.