29 Ago Buscamos xente mozo creativo pa convertir pueblos d’Asturies en biblioteques humanes

Posted at 18:22h in Sin categoría by

En La Ponte-Ecomuséu y Europimpulse Network en collaboración con Filopueblos y el programa Rompiendo Distancias de Teberga buscamos mozos y moces d’ente 15 y 25 años interesaos en desenvolver les Biblioteques Humanes en distintos pueblos d’Asturies nel marcu del proyeutu #MemoriesForFutureEU.

#MemoriesForFutureEU ye un proyeutu d’educación non formal financiáu pol programa européu Erasmus+ que trabaya cola mocedá rural. Nos próximos 12 meses del proyeutu van crease grupos de mozos y moces que van participar n’alcuentros nos que se van poder formar como organizadores d’eventos y actividaes culturales na zona rural. Ente los inscritos van seleccionase tres pa participar nun alcuentru internacional en Córcega (Francia) ente’l 7 y el 14 d’ochobre de 2023.

L’oxetivu final del proyeutu ye crear Biblioteques Humanes en distintos pueblos d’Asturies pa contar de manera creativa les memories de los sos habitantes. Nes Biblioteques Humanes los llibros son les persones que cuenten les sos hestories vitales y son los mozos y moces los que van recuperar esos recuerdos y van ayudar a tresmitilos a otros coleutivos.

Esta convocatoria ta abierta a la mocedá d’ente 15 y 25 años que tea venceyao col terriotoriu rural asturiano y que tengan interés nel arte, la cultura y el patrimoniu. La participación ye totalmente gratuita. Les persones interesaes en participar han rellenar el formulariu siguiente https://shorturl.at/abcoE enantes del 07/09/2023. Tola información ta disponible na web del ecomuséu, y, si tienes dalguna dulda, puedes escribir a info@laponte.org o llamar al 985 76 14 03 – 691 504 045.