Revista Cuadiernu
- Les propuestes enviaes han ser orixinales y inédites (que nun tean publicaes yá n’otru medio, independientemente del formato o l’idioma).
- Acéptense los tipos de propuestes siguientes:
– Artículos: la so extensión nun puede pasar de les 10.000 palabres. Son sometíos a dos revisiones doblemente anónimes encargaes a persones especialistes na materia y externes a la revista.
– Notes: la so extensión nun puede pasar de les 4.000 palabres. Son sometíes a revisión del conseyu editor.
- Les llingües principales son el castellano y l’asturiano. Sicasí, pueden publicase ocasionalmente trabayos escritos n’otres llingües.
- Nun s’almiten nos textos términos o construcciones literaries que puedan resultar ofensives o discriminatories pa nengún colectivo o persona particular.
- Les propuestes presentaránse en formato “docx”, con un tamañu de fueya A4, lletra Arial 12, una separación ente ringleres de 1,5 y xustificación a los dos llaos del parágrafo. Tendrán les partes siguientes:
– Título: tien que mandase na llingua del artículo o nota y n’inglés.
– Autor/a: tien qu’incluyise’l nome y apellíu o apellíos, dirección de correo electrónicu, ORCID, y filiación institucional (si hubiera).
– Resume: ha tener un máximo de 200 palabres y tien que resumir de manera clara y concisa’l conteníu. Tien que tar redactáu na llingua que tea escritu l’artículo o nota y n’inglés.
– Palabres clave: un máximo de cinco palabres descriptives del conteníu. Tienen que presentase na mesma llingua na que ta escritu l’artículo o nota y n’inglés.
– Texto del artículo o nota: tienen que siguir l’orde habitual de les publicaciones científiques, con una introducción, un cuerpu central descriptivu y analíticu, conclusiones y bibliografía. Amás, el cuerpu central puede dividise n’otros apartaos si se considera necesario. Tolos apartaos tienen que tar encabezaos por epígrafes en lletra negra y cursiva.
- Figures: lo mesmo nos artículos que nes notes pueden incluyise hasta un máximo de 10 imáxenes (incluyendo tables y gráfiques). Les figures tienen que mandase en formato JPG y tener una resolución mínima de 300 ppp (300 puntos por pulgada). Han mandase separaes del texto y tienen que tar denominaes cola abreviatura “Fig” más el númbero que-yos correspuenda según l’orde de situación nel texto. Dientro del texto tien que dir señalada la posición de cada imaxe ente paréntesis, cola palabra FIGURA en mayúscules y el númbero correspondiente, acordes a esti exemplo: (FIGURA 6). Nun documentu Word (.docx) aparte tien que se recoyer una lista ordenada coles lexendes o pies de cada figura. Tien que señalase la referencia y/o autoría de les figures nel casu de que nun coincida cola del manuscrito o si tán sacaes d’otra fonte.
- Les notes a pie de páxina tienen que siguir les indicaciones xenerales, con un tamañu de fonte reducíu a 10.
- Cites nel interior del texto:
– Les cites, referencies y bibliografía seguirán les normes APA (6ª Edición).
– Les referencies bibliográfiques dientro del texto tienen que siguir la estructura siguiente: ([Apellíu del autor], [Añu de publicación], p. [númbero de páxina]). Exemplo: (Fernández, 2018, p.27).
– Aparte, les cites textuales tienen que dir entecomillaes siempre qu’ocupen menos de trés ringleres. Nel casu de cites que superen les trés ringleres tienen que s’incluyir nun parágrafo aparte y con doble sangría.
- Bibliografía
La bibliografía tien que siguir el modelo de los exemplos siguientes:
– Artículos:
SARCINA, A. (2021). Arqueología comunitaria en un contexto de conflicto: el proyecto Santa María de la Antigua del Darién (Chocó, Colombia). Cuadiernu: Revista internacional de patrimonio, museología social, memoria y territorio, 9 69-106.
– Llibros:
FERNÁNDEZ, J. (2018). Reclamar el paisaje. Madrid: MediaLab-CoLab-Ministerio de Cultura, Educación y Deporte.
– Capítulos de llibru:
LÓPEZ, P. y PÉREZ C. (2021). Una experiencia comunitaria de divulgación científica: la Ponte-Ecomuséu. En Gibaja, J. F., Mier, M. F. y Cubas, M (Coords.) Si te dedicas a la ciencia, ¡divúlgala!: La transferencia de conocimiento en el marco de las Humanidades (pp. 167-179). Gijón: Trea.
- Les propuestes tienen que se mandar per correo electrónicu a la dirección cuadiernu@laponte.org